Јулијан Нагелсман дефинитивно ќе биде наследникот на Ханси Флик на клупата на Баерн Минхен откако баварскиот гигант постигна договор со Лајпциг за отштетата што ќе биде платена за 33-годишниот стратег.
Ставот на Лајпциг беше јасен – новиот клуб на младиот стручњак да плати 25 милиони евра. Баерн не успеа да ја намали вкупната сума, но баварците се договорија со Лајпциг однапред да платат 15 милиони евра, а останатите десет милиони се врзани со неколку клаузули и ќе бидат исплаќани во зависност од освоените трофеи на Нагелсман на „Алијанц Арена“.
Веќе нема никаква пречка, Нагелсман од претходно ги имаше договорено личните услови за петгодишна соработка со Баерн и се очекува договорот да биде официјализиран до крајот на оваа седмица.
Јулијан Нагелсман е вториот трансфер на Баерн од Лајпциг за наредната сезона, откако претходно беше договорено и доаѓањето на францускиот дефанзивец Упамекано.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
