Баерн Минхен стигна до седмата победа во низа во Бундес – лигата откако со пресврт го совлада Хофенхајм со 5-2 во трилер мечот од 20. коло во германското првенство. Гостите неочекувано поведоа во 3. минута откако Гнабри промаши пенал, но Ут брзо реагираше по одбраната на Улрих и ја затресе мрежата. По нецели 10 минути нов шок за германскипт шампион, овој пат Гнабри беше прецизен од далечина за големи 2-0 на великанот Баерн.
Сепак, радоста траеше кратко бидејќи од 21. минута до 25. минута Баерн со головите на Левандовски и Боатенг израмни и ги постави конечните 2-2 до крајот на полувремето. Кингли Коман во 64. минута го донесе првото водство на „баварците“, а само три минути подоцна Видал зголеми на 4-2. Екс-фудбалерот на Хофенхајм, Сандро Вагнер дебитираше во дресот на Баерн и само пет минути по влегувањето го постигна својот првенец за „баварците“, токму против поранешните соиграчи и ги постави конечните 5-2.
Борусија Дортмунд во последните моменти од средбата против Фрајбург се спаси откако Толјан постигна гол во судиското надополнување за реми од 2-2. „Милионерите“ во 9. поведоа со голот на Шинжи Кагава, но во 21. минута Петерсен го постигна израмнувачкиот погодок за гостите. На големо изненадување одново стрелаше Петерсен за 2-1 во второто полувреме.
Шалке се враќа со рутинирана победа од 2-0 од гостувањето во Штутгарт. Со головите на Налдо и Харит, фудбалерите на Доменико Петреску остварија рано водство кое го сочуваа до самиот финиш на средбата.
Лајпциг на домашен терен ремизираше со 1-1 против претпоследно пласираната екипа Хамбург. Брума беше прецизен за домаќините во 9. минута, но Костиќ израмни на 1-1 20 минути подоцна, а тој резултат се покажа како конечен.
Келн и Аузбург ги поделија бодовите со конечен резулат од 1-1. Милош Јојиќ донесе водство за домашниот состав во 40. минута од средбата, додека Каиби во 77. минута беше прецизен за неговиот Аузбург и ги постави конечните 1-1.
РЕЗУЛТАТИ БУНДЕС – ЛИГА 20. КОЛО:
Баерн Минхен – Хофенхајм 4-2
Борусија Дортмунд – Фрајбург 2-2
Келн – Аузбург 1-1
Лајпциг – Хамбург 1-1
Штутгарт – Шалке 0-2
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
