Енис Барди е хит во Шпанија, но и во останатите Топ 5 лиги во Европа. Македонскиот репрезентативец во моментот е најголемиот мајстор за слободни удари во петте најквалитетни европски фудбалски првенства. Во новата сезона, тој е единствениот што има постигнато два гола од прекин на игра, во првенствата на Шпанија, Англија, Италија, Германија и Франција.
Својот талент за изведување на слободни удари Барди го докажа уште еднаш и на синоќешниот меч меѓу Леванте и Реал Сосиедад. Во 89.минута, беше досуден слободен удар за Леванте, а неговиот соиграч Иви посака да го изведе. Меѓутоа, публиката го скандираше името на Барди, а и тренерот Хуан Муњиз му ја даде довербата на Македонецот. Следеше прекрасен проектил и трет гол за Леванте на дуелот со Реал Сосиедад.
Претходно, Барди беше стрелец од слободен удар и на мечот против Депортиво Ла Коруња во Ла Лига, а трипати стрелаше и во подготвителниот период.
Levante 2-2 Deportivo. Enis Bardhi e Ivi. El primero grabado desde la zona de prensa, y el segundo desde mi asiento en Grada Central ??? pic.twitter.com/NKcUFr7KJW
— SalillasPS9 (@SalillasKiller) August 26, 2017
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
