Актуелниот европски шампион победнички ја стартуваше новата „кампања“ во Лигата на шампионите откако успеа да триумфира на тешкото гостување кај Пик Сегед со 28-35. Домаќините одиграа одлично прво полувреме против актуелниот двократен шампион по кое успеаја на пауза да заминат со позитива од еден гол (15-14).
Сепак, Каталонците заиграа далеку подобро во второто полувреме. Ракометарите на Барселона ја зацврстија одбраната и на крајот успеаја да стигнат и до релативно лесен триумф од 28-35. Мем и Фабрегас со по седум гола беа први имиња кај победникот, додека кај поразените Бодо постигна пет гола.
До лесна победа стигна и бундеслигашот Кил кој ја оправда фаворитската улога совладувајќи го норвешки Елверум со убедливи 36-26. Рајнкинд со шест гола беше најефикасен кај победникот, додека кај поразените со ист број погодоци заврши Боршаш.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА