Пресврт во ситуацијата со Усман Дембеле во Барселона. Сега „Каталонците“ сакаат да го задржат, па затоа според шпанските медиуми, му предлагаат договор до 2024 година, со плата од 8 милиони евра годишно. Оваа плата би била нето, а исто така би имал и бонуси.
Договорот на Французинот со Барса истекува ова лето, но се работи на негово продолжување.
Долго време Дембеле беше на излезна врата од „Ноу Камп“ и се шпекулираше за негово заминување во Челси и Њукасл. Оваа зима самиот тој одби трансфер во друг тим, со што Чави се реши да го врати и да му даде шанса.
Дембеле за околу 120 милиони евра дојде од Борусија Дортмунд во Барселона, но не ги оправда вложените пари во него. Често се соочуваше со повреди, и беше надвор од терените, а исто така често знаеше да се најде на критики на навивачите поради слабите изданија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
