Капитенот Џордан Хендерсон и најдобриот стрелец Мохамед Салах добија деца ист ден, што секако делува како огромна случајност, и тоа точно девет месеци и еден по големиот чудесен триумф над Барселона во Лигата на шампионите. Ливерпул загуби со 3-0 на „Камп Ноу“ во првиот полуфинален меч од елитното европско натпреварување, но потоа се случи сензација и славеше со 4-0 на реваншот на „Енфилд Роуд“.
Се славеше на стадионот, а потоа и низ улиците на градот до рани зори, а очигледно дека некои фудбалери возбудата ја пренеле и во своите домови.
Сопругата на Хендерсон после две ќерки на 8 февруари роди момче, додека семејството Салах е побогато за уште едно девојче. Со оглед дека Ливерпул е се поблиску до историското освојување на титулата по пауза од три децении и ќе биде прва од постоењето на Премиер – лигата, можно е нов „бејби-бум“ да се случи во 2021 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА