ЕКИПА во Љубљана,
Катерина Павлова Николовска, Никола Ѓуровски
Белорусија е четвртиот предизвик за македонските одбојкари на Европското првенство во Словенија. Вечерашниот ривал влегува посебно мотивирано во дуелот со Македонија откако синоќа оствари фантастичен триумф против Финска со супер пресврт (3-2 во сетови) иако беше во негатива од два сета. Сега посакуваат и победа над Македонија.
Сјархеј Бусел беше најдобар блокер на дуелот со шест активно сопрени напади на противникот и најави дека Белорусија има намера да победи и против Македонија.
„Ова е голема победа за нас, мотивација да одиграме добро и против Македонија и да оствариме триумф кој ќе не доближи до осминафиналето. Како да се ослободивме од притисокот по првите два загубени сета со Финска и конечно заигравме како што знаеме. Сега треба во ист стил да продолжиме и на следните мечеви“, изјави Сјархеј Бусел, еден од најдобрите белоруски одбојкари.
Мечот меѓу Белорусија и Македонија ќе биде одигран во вечерниот термин во арената „Стожице“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА