Челси заврши одлична работа успевајќи да потпише долгогодишен договор со младиот дефанзивец Леви Колвил, кој блесна минатата сезона во дресот на Брајтон, по што имаше и одличен настап како капитен на Англија при освојувањето на златото на младинското Европско првенство одржано минатиот месец.
Брајтон понуди 30 милиони фунти за да го откупи 20-годишниот Колвил, сериозен интерес покажа и Ливерпул, но Челси најпрвин ги одби добиените понуди, а потоа експресно се договори со самиот фудбалер за продолжување на соработката до 2029 година.
„Секогаш беше лесна одлука, во Челси сум од најмала возраст и сакав да останам тука. Зборував со тренерот, кој ми покажа дека верува во мене, ми ја даде довербата што ми беше неопходна. Ми даде совети што ќе ми користат како играч, но и како човек“, изјави Колвил по потписот на договорот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
