Најдобриот спринтер на сите времиња, Јамајканецот, Јусеин Болт смета дека се уште не се родил човек кој ќе може да ги сруши неговите рекорди и дека се надева дека тоа нема да се случи ниту во следните 20 години.
„Личноста која ќе ги сруши сите мои рекорди се уште не е родена. Тоа се резултати кои мора да бидат надминати и тоа неминовно еден ден ќе се случи. Сепак, се надевам дека за 20 или 25 години на моите деца ќе можам да им раскажувам како и понатаму рекордите се во моја сопственост“, изјави Болт.
По завршувањето на атлетската кариера, Болт се проба и во фудбалот каде тренираше во Борусија Дортмунд и Стремсгодсет, а заигра и за австралискиот клуб Централ Коуст Маринерс.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
