Златан Ибрахимовиќ на својот инстаграм-профил објави кратко видео со кое најверојатно го обелодени следниот чекор во кариерата, шокантен за фудбалскиот свет бидејќи Швеѓанецот реши да се врати назад во татковината, и тоа во редовите на Хамарби.
Голгетерот е слободен за ангажман по истекот на договорот со ЛА Галакси, за неговите услуги се интересираат бројни клубови ширум Европа, се најавуваше камбек во Милан, но според видеото што тој самиот го објави, Хамарби ќе биде новиот тим на Ибракадабра.
Секако, не се исклучува ниту можноста ова да е уште еден „трик“ на шведскиот голгетер, кој и претходно знаел да си поигрува со јавноста подгревајќи ги шпекулациите за следната дестинација во кариерата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА