Бомба од Англија – Жозе Мурињо се враќа на добро познатото место?

Трофејниот португалски стратег Жозе Мурињо е заинтересиран за враќање во Челси по крајот на оваа сезона, пренесуваат англиските медиуми. Наводно, неговите агенти го информирале раководството на Челси дека португалскиот стратег би можел да го преземе кормилото кога ќе ја заврши втората сезона со Рома.

На Челси не му оди најдобро под водство на Грем Потер, па клубот веќе размислува за нова тренерска смена. Мурињо имаше лоша разделба со Абрамович, но рускиот милијардер е минато во Челси, па сега е отворена вратата за враќање на Португалецот.

Доколку Мурињо се врати во Челси, тоа би било третпат како ќе биде тренер на сините. Куќата на Мурињо во Лондон е блиску до стадионот на Челси, таму е неговото семејство, па тоа е една од главните причини поради кои тој сака да си дојде дома.

Се вчитува...