Борко Ристовски со Барселона ќе игра во финалето за одбрана на пехарот во „Копа дел Реј“. Во полуфиналето од Купот, Барса ја потврди фаворитската улога против Пуенте Хентил (36-27). Противник на Барса во финалето на завршниот турнир од „Копа дел Реј“ што се игра во Мадрид, ќе и биде тимот на Ла Риоха.
Првиот дел од полуфиналниот меч, каталонскиот тим го заврши со три гола предност (19-16). Но, во второто полувреме избраниците на Чави Пасквал го засилија темпото и веќе по десетина минути се одлепија на 24-18. До крајот, ракометарите на Барселона рутински ја потврдија победата за финале во Купот.
Борко Ристовски има девет одбрани во второто полувреме, со 50-процентна успешност, а најефикасен во нападот беше Валеро Ривера со девет гола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
