Вуко Борозан одигра фантастичен натпревар за Црна Гора, предводејќи ја својата репрезентација до значајна победа над Шведска во квалификациите за ЕП 2018. Бекот на Вардар го заврши натпреварот со десете погодоци и беше најзаслужен за победата од 28-24 против една од најдобрите светски селекции во моментов. Црногорците го изненадија фаворитот во неверојатното прво полувреме по кое водеа со 16-7, во преостанатите 30 минути не дозволувајќи Швеѓаните да се вратат. Црна Гора моментно е второпласирана во својата група, но за да остане на оваа позиција и да стигне до хрватска виза селекцијата на Борозан ќе мора да остане непоразена во последното коло, на гостувањето против Русија.
Србија имаше можност со победа над Полска на домашен терен да си го осигура пласманот на ЕП, но нашиот северен сосед си ја искомпликува задачата играјќи само 34-34 во арената „Чаир“ во Ниш. Ненадиќ го промаши шутот за победа, па Полска успеа да освои бод, прв за оваа селекција, која очајно ги стартуваше овие квалификации и минатиот месец го разреши Талант Душебајев од селекторската функција.
Франција без помошта на браќата Карабатиќ едвај славеше на гостувањето против Литванија со 25-26. Клер беше стрелец на победничкиот гол за „триколорите“, во чии редови најефикасен беше Мае со шест погодоци.
ГРУПА 1: Холандија – Данска 24-36, Латвија – Унгарија играат утре.
Табела: Данска 9, Унгарија 5 (меч помалку), Холандија 4, Латвија 0 (меч помалку).
ГРУПА 2: Србија – Полска 34-34, Романија – Белорусија играат утре.
Табела: Србија 7, Белорусија 5 (меч помалку), Романија 4 (меч помалку), Полска 1.
ГРУПА 3: БиХ – Шпанија 19-25, Финска – Австрија 36-39.
Табела: Шпанија 10, БиХ 4, Австрија 4, Финска 2.
ГРУПА 4: Чешка – Исланд 27-24, Украина – Македонија играат утре.
Табела: Чешка 6, Македонија 4 (меч помалку), Украина 4 (меч помалку), Исланд.
ГРУПА 5: Швајцарија – Словенија 20-33, Португалија – Германија 26-29.
Табела: Германија 10, Словенија 5, Португалија 5, Швајцарија 0.
ГРУПА 6: Црна Гора – Шведска 28-24, Словачка – Русија 24-25.
Табела: Шведска 8, Црна Гора 6, Русија 4, Словачка 2.
ГРУПА 7: Литванија – Франција 25-26, Белгија – Норвешка 27-43.
Табела: Франција 8, Норвешка 6, Литванија 6, Белгија 0.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
