Фудбалерите на Брегалница ги стартуваа подготовките за враќањето во Првата македонска фудбалска лига.
Шефот на стручниот штаб Марјан Секуловски ги собра своите избраници, на стартот од подготовките со две квалитетни засилувања во одбраната, поранешниот македонски репрезентативец Даниел Мојсов и Хрватот Антонио Азиновиќ.
Во Штип ќе се работи до 28. јуни кога следи преселба во Пехчево во тренинг-базата на спортскиот комплекс „Гогов“. На 3. јули во Пехчево е планирано и одигрување на првиот пријателски натпревар летово, против Борец од Велес.
Тимот на 10. јули се сели во српскиот туристички центар Златибор каде ќе бидат реализирани централните техничко-тактички подготовки. На подготовките во Златибор предвидено е одигрување и на четири пријателски средби.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
