По завршувањето на сезоната во Втората лига – Исток, Брегалница за следната сезона во која, по четири години се враќа во елитата, нема да смета на Бојан Ѓоргиевски и Тони Мирчевски.
Стручниот штаб на Брегалница одлучи да не се продолжи соработката со деснокрилните дефанзивци Ѓоргиевски и Мирчевски.
„Сакаме да искажеме благодарност за Бојан Ѓоргиевски и за Тони Мирчевски за максималниот професионализам и целокупниот нивни придонес за успесите на тимот изминатава сезона. И на двајцата им посакуваме многу успех во понатамошните кариери“ – вели спортскиот директор на Брегалница, Никола Тонев.
Во следниот период ќе следат и дополнителни анализи околу креирањето на играчкиот кадар за прволигашките настапи следната сезона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
