Манчестер Јунајтед забележа нов дебакал во Премиер лигата и математички ги загуби сите шанси за ново учество во Лигата на шампионите.
„Ѓаволите“ во саботата доживеаја пораз на гостувањето кај Брајтон, а по фијаското од 4-0, Бруно Фернандеш призна дека навивачите имаат право кога скандираат дека не се доволно добри да го носат дресот на легендарниот клуб од „Олд Трафорд“.
„Нè надиграа. Брајтон секогаш имаше решение, а ние не. Нè притискаа и ја заслужија победата. Ја заслуживме позицијата во која што сме сега. Се вклучувам и себеси во неуспехот, добро велат навивачите, не сме доволно добри за овој дрес, за она што го направив јас денес. Не бев доволно добар за да го носам дресот и ги прифаќам критиките“, порача Бруно.
Манчестер Јунајтед зад себе ќе остави уште една сезона за заборав, а од следната се очекува да започне од „нула“ со Ерик Тен Хаг на клупата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
