Вчера новиот тренер на Барселона, Чави Хернандес го доживеа првиот пораз како предводник на „Каталонците“. На „Ноу Камп“ триумф оствари тимот на Бетис кој на крајот славеше минимално со 0:1.
Сега Барса ја очекува шестиот натпревар од групата, и тоа најтешкиот противник Баерн Минхен, и тоа на гости. Ситуацијата е таква што Баерн избори пласман во следната фаза, а Барселона е втора со седум бодови, Бенфика трета со пет. На Барса може ќе и одговара нерешено, но под услов Бенфика да не го победи Динамо Киев.
И покрај лошата форма на Барселона, Чави најавува дека во Минхен ќе одат на триумф.
„Гледам екипа која е способна да отиде во Минхен и да победи. Немаме друг избор. Не чека едно од најтешките гостувања, но ќе ја подготвиме екипата за борба и за победа“, рече Чави.
Дуелот се игра во среда во 21 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА