Лијам Делап би можел да го напушти Челси само една година по пристигнувањето на „Стемфорд Бриџ“, а за неговиот потпис веќе се води сериозна битка меѓу клубови од Премиер лигата.
Според актуелните информации, Лидс Јунајтед и Нотингем Форест се приклучиле на трката за 23-годишниот напаѓач, додека интерес за него и понатаму покажува Евертон.
Челси за Делап бара околу 50 милиони фунти, но заинтересираните клубови се надеваат дека трансферот би можел да биде реализиран за сума поблиску до 40 милиони фунти. Нотингем Форест во моментов се споменува и како фаворит во трката за неговиот потпис.
Делап минатото лето пристигна во Лондон од Ипсвич за околу 30 милиони фунти, откако претходната сезона постигна 12 гола во Премиер лигата. Сепак, неговата прва сезона во Челси не се одвиваше според очекувањата, а ограничената минутажа дополнително ја отвори можноста за негово заминување.
Дополнителен проблем за англискиот напаѓач е доаѓањето на Жоао Педро и Дани Велбек, поради што конкуренцијата во нападот на Челси стана уште поголема. Делап неодамна го загуби и дресот со број девет, што дополнително ги засили шпекулациите за неговата иднина.
Лидс има потреба од нов напаѓач по заминувањето на Џоел Пироe во Вест Хем, додека Нотингем Форест бара дополнително решение во нападот по заминувањето на Таиво Авонији во Ковентри. Евертон, пак, веќе подолг период го следи Делап.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
