Курт Зума од вечерва и официјално е нов член на Вест Хем, откако „чеканите“ го комплетираа трансферот на францускиот дефанзивец од таборот на Челси.
Двата клуба уште пред извесно време се имаа договорено висината на трансферот да изнесува 30 милиони евра, но одолговлекувањето на лекарските прегледи поради менаџерските провизии придонесе трансферот да се комплетира дури вечерва. Со Зума тимот на Вест Хем добива нов „командант“ на одбраната, нешто што беше неопходно на Дејвис Мојес, кој има сериозни проблеми со играта во дефанзива на својот тим на стартот од новата сезона.
Челси доби значителна сума од овој трансфер што ќе биде искористена за да се исполни и последната желба на Тухел во овој преоден рок, ангажманот на Жул Кунде. Преговорите со Севилја за францускиот дефанзивец траат петнаесетина дена, но шпанскиот клуб засега не отстапува од отштетата од 60 милиони евра што ја бара за овој фудбалер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
