Хрватскиот селектор Лино Червар го чека жестока казна од ИХФ поради изјавите за судиите по вчерашниот пораз од Германија (21-22) со кој „коцкестите“ останаа без полуфинале на Светското првенство 2019.
Хрватска остана без шанси за медал, според Червар само поради данската судиска двојка Хансен и Гједин кои, според него, извршиле „буквално грабеж“ на неговата репрезентација.
„Бесрамно! Ни судеше демек најдобрата судиска двојка, но тоа беше срамно. Мора да бидат санкционирани и отстранети од првенството. Немаат морални вредности, ова е измама при очи. Ова беше грабеж кој го виде целиот свет и тоа треба да се каже. Судии аматери одлучуваат за нашата судбина, ова е недозволиво“ – изјави Червар по натпреварот.
Ако се суди како досега реагирала ИХФ на изјави од овој тип, барем погледнувајќи ги случаите со Веселин Вујовиќ, тогаш јасно е дека Червар го чека голема казна.
„Не можат да ме казнат. Во ракомет сум 45 години и можам ова да го кажам. Не ги навредував судиите и не бев безобразен, само искажав критика“ – вели Червар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
