Пелистер се соочува со можност да биде исфрлен од Првата македонска фудбалска лига за следната сезона, останувајќи без доволен број регистрирани професионални фудбалери пред крајниот рок даден од ФФМ кој е до 15. јули.
Токму поради тоа со своја реакција се огласи и најверната навивачка група на клубот, „Чкембарите“ кои побараа од општина Битола во рок од 48 часа да го одблокира клубот.
СООПШТЕНИЕТО ОД „ЧКЕМБАРИТЕ“ ВИ ГО ПРЕНЕСУВАМЕ ВО ЦЕЛОСТ:
Последен апел до Општина Битола и градоначалничката Наташа Петровска. Почитувани, во рок од 48 часа да го одблокирате фудбалскиот клуб (блокадата е за околу 20.000евра) и да пријавите фудбалаери кои ќе се натпреваруваат во новата сезона. Ние како навивачка група и веруваме ветераните на фудбалскиот клуб Пелистер ви се ставаме на располагање во овие моменти. Не наседнувајте на лажни инвеститори кои можат засекогаш да го оштетат Пелистер! Несериозни уште на самиот старт, а како ќе биде понатаму??Самите изјавувате дека досега вашата гарнитура во Фк Пелистер дала околу 600.000 евра, ако тука го ставиме и стадионот со околу 5 милиони евра, кој е наменет токму за Пелистер, тогаш сите овие инвестиции ви паѓат во вода за 20.000 евра. Вашата очигледна незаинтресираност за фудбалскиот проблем и оставањето на другите да го решават овој проблем не доведе до оваа ситуација.Лесно се решава:1.Одблокирајте го клубот2.Пријавете играчи3.Обезбедете нормално функционирање за наредните 5 месеци4.Најдете СЕРИОЗЕН ИНВЕСТИТОР!!!Овој апел ќе го слушнете уште утре од нас лично, сфатете го сериозно, штетата може да биде непоправлива!!
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
