Можен ли е скандал на Светското првенство 2022 во Катар, со преседан каков досега не е виден на Мундијалите?
Фудбалската федерација на Данска, според информациите од Катар, сериозно рамислува да ја повлече репрезентацијата од Мундијалот во Катар. Наводно, главна причина за една таква скандалозна одлука е категоричната забрана на ФИФА кон нивната федерација да бидат промовирани било какви активности со поддршка на ЛГБТ-популацијата.
Добро е познато дека Данска беше и се уште е еден од најголемите критичари на одлуката Светското првенство да се игра во Катар, а и еден од најголемите промотори на слободата на „сексуалното изразување“. Строгите забрани кои се активираа деновиве во Катар само придонеле посериозно да се размислува и за напуштање на Мундијалот.
„Ова не е одлука која е донесена денеска, за ова размислуваме уште од пред неколку месеци“ – е ставот на претседателот на Фудбалската федерација на Данска, Јеспер Мулер Кристенсен.
Кристенсен информираше дека е во постојан контакт со УЕФА затоа што им е важно да го знаат и мислењето на Европската куќа на фудбалот од каде чекаат информации колкави би биле казните за една таква нивна одлука.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
