Шпанската анти-допинг агенција отвори официјална истрага за рускиот фудбалски репрезентативец, Денис Черишев. Ова доаѓа по изјавата на таткото на играчот на Валенсија, дека тој примил инјекција за да третира повреда.
„Можеме да потврдиме дека почнавме истрага за да добиеме повеќе информации за случајот. Истрагата ја водиме заедно со руската анти-допинг агенција, а во контакт сме и со Светското анти-допинг тело“ – изјави портпаролот на Шпанската агенција за здравствена заштита во спортот, која е надлежна за борбата со допингот.
Проблемите за Черишев почнаа кога неговиот татко во интервју за руски медиум изјави дека фудбалерот примил „хормон за растење“ во обид што побргу да се опорави од повредата и да биде подготвен за Светското првнество.
Черишев ги отфрли обвинувањата. Репрезентативниот лекар на рускиот состав, призна дека фудбалерите земале амонијак, но демантираше дека примале некакви недозволени супстанци.
Денис Черишев беше клучниот играч во успехот на Русија на фудбалскиот мундијал, тој беше стрелец за репрезентацијата и во мечот од Лигата на Нации против Турција. Во Валенсија дојде изминатово лето на позајмица од Вилјареал.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
