Синоќа стартуваше плеј-офот во НБА лигата, а победи на стартот запишаа Голден стејт, Јута, Филаделфија и Минесота.
Во првиот меч Јута го победи Далас, без Лука Дончиќ, со 99-93. Минесота, пак, славеше против Мемфис со 130-117 предводена од Ентони Едвардс кој постигна 36 поени, а огромен доприност на победата имаше и Карл-Ентони Таунс со 29 поени и 13 скока.
Филаделфија комплетно го разби Торонто победувајќи со 131-111. Кај Филаделфија, Максеј запиша 38 поени, Харис дополни со 26 а Харден 22 поени со дури 14 асистенции.
Голден стејт триумфираше против Денвер со 123-107. Се врати Стеф Кари, но имаше скратена минутажа, и за 21 минута постигна 16 поени. Вориорс беа предводен од Пул со 30 поени, додека Томпсон дополни со 19 поени.
Никола Јокиќ заврши со 25 поени и 10 скока, а Бартон кај Денвер запиша 24 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
