Фудбалерот на Барселона, Сержињо Дест нема да го напушти клубот ова лето бидејќи продолжува да се опоравува од повредата на коленото. Дест оваа сезона играше како позајмен во ПСВ Ајндховен, со кој ја освои шампионската титула на Холандија.
Се чинеше дека 23-годишниот американски репрезентативец ќе ја напушти Барселона пред следната сезона и дека шпанскиот клуб со задоволство ќе го продаде во Холандија, но трансферот пропадна поради повреда. Според експертот за трансфери Фабрицио Романо, ПСВ нема да ја активира откупната клаузула во договорот на Дест иако е задоволен од своите настапи, бидејќи се уште се опоравува од повредата на лигаментите на коленото.
Дест во јуни ќе се врати во Барселона каде ќе ја продолжи рехабилитацијата по операцијата на коленото во Холандија. Дест се пресели од Ајакс во Барселона во 2020 година, но не играше за А тимот до 2022 година. Вкупно за Барселона одигра 72 натпревари и постигна три гола.
Тој минатата сезона замина на позајмица во Милан, незадоволен од својата минутажа во Барселона, а оваа сезона ја мина на позајмица во ПСВ. Се очекува тој да се врати на терените на почетокот на 2025 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
