Серијата слаби резултати на Барселона продолжи со денешното реми на каталонскиот гигант на гостувањето против Осасуна. Двајца млади фудбалери на Барса носеа водства од 0-1 и од 1-2 за тимот предводен од Чави, но се беше попусто кога одбраната попушти кога беше најважно, па Осасуна стигна до реми од 2-2.
Мечот почна одлично за каталонците, кои поведоа преку 19-годишниот Нико во дванаесеттата минута. Само две минути подоцна Осасуна израмни, откако Гарсија најдобро се снајде по една мешаница во шеснаесетникот и ја смести топкатаво мрежата.
Почетокот на второто полувреме беше драматичен, домаќините бараа пенал за играње со рака на Бускетс, судијата не досуди ништо, а Барселона во продолжение на акцијата постигна гол за 1-2 преку 19-годишниот Мароканец Езалзули.
Каталонците се бранеа се до 86. минута, кога Адила упати силен удар од дваесетина метри, Умтити малку ја закачи топката и таа заврши во мрежата.
Барселона со ова реми падна на осмото место на табелата, со 15 бода заостанување зад лидерот Реал Мадрид.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
