Гранит Џака повеќе нема да биде капитен на Арсенал откако Унаи Емери донесе одлука да му ја одземе капитенската лента на Швајцарецот поради големиот испад и конфликтот со фановите во финишот од дуелот со Кристал Палас.
Тој не беше во тимот на наредните средби, не отпатува ниту за следниот меч од ЛШ против Сетубал, а Емери вечерва обелодени дека му ја пренел својата одлука на Џака.
„Зборував со Гранит и му соопштив дека повеќе не е дел од капитенскиот тим. Тој ја прифати мојата одлука, во иднина прв капитен да биде Обамејанг. Сега можеме да ја затвориме темата и да се насочиме кон следните предизвици“ – изјави Унаи Емери.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
