Темпераментниот капитен на швајцарската репрезентација Гранит Џака имаше жесток дуел со данскиот репрезентативец Расмус Хјумланд на дуелот на двата тима во Копенхаген.
Дека играчите на двата тима не се штедеа јасно говори и податокот дека на тој пријателски натпревар, кој заврши без голови, судијата мораше да додели пет жолти картони. Во еден момент дојде до „метеж“ меѓу Џака и резервистот на домашната екипа Хумланд , бидејќи Данецот ја шутна топката, која Џака ја намести за да изведе брз слободен удар некаде на средината на теренот.
Гледајќи што направи домашниот играч, Џака веднаш се нафрли на својот ривал, го фати за дресот пред судијата. Страстите ги смири главниот арбитар кој на двајцата им покажа јавна опомена.
По натпреварот Џаки говореше за тоа што точно се случило на дуелот со Хамланд.
„Со тоа што го направи, сака ли да му докаже на тренерот дека има место во стартниот тим на пријателски натпревар? Тоа беше очигледен фаул, ја имав топката, а потоа ме удри. Не се прави нешто такво во фудбалот, ниту на пријателски натпревар, ниту во квалификациски циклус“, изјави Џака.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
