Хамес Родригез ќе ја продолжи сезоната во Катар, пренесуваат англиските медиуми. За колумбискиот репрезентативец нема место во Евертон по доаѓањето на Рафа Бенитез на клупата на „тофиси“ и обидот за спас на сезоната ќе биде на Блискиот исток.
Триесетгодишникот беше стандарден првотимец под водство на Карло Анчелоти. Претходната сезона одигра 26 натпревари во сите конкуренции и забележа шест гола и девет асистенции, а оваа сезона не се најде во составот за ниеден од петте одиграни натпревари.
Поранешниот играч на Порто, Монако, Реал Мадрид и Баерн Минхен во текот на летото беше блиску до враќање во редовите на Порто, но не успеа да ги договори личните услови.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
