Лука Дончиќ одигра уште еден фантастичен натпревар, но Далас не успеа да го искористи беспрекорното издание на својата суперѕвезда и загуби на домашен терен од ЛА Клиперс со 97-99. Дончиќ постигна 18 поени во низа во последната четвртина, дуелот го заврши со фантастични 45 поени, 15 скока и 8 асистенции, но и тоа беше недоволно за Далас да стигне до победата, Џексон со 24 поени и осум асистенции беше најдобар поединец во таборот на победничката екипа.
Никола Јокиќ е најзаслужниот што Денвер успеа да слави со минимални 109-110 на гостувањето против Торонто. Српскиот центар имаше 28 поени и 15 скокови, како и две блокади, меѓу нив и онаа во последните секунди, кога Јокиќ го спречи Сиакам да поентира во рекетот и го осигура триумфот на својот тим.
JOKIC SAVES THE DAY. AGAIN. pic.twitter.com/Ba6xos5TRh
— Rob Perez (@WorldWideWob) February 13, 2022
Неизвесно беше и на дуелот меѓу Голден Стејт и ЛА Лејкерс, на кој „воините“ славеа со 117-115. Клеј Томпсон покажа дека се враќа во топ-форма постигнувајќи 33 поени, Стеф Кари реализираше 24 поени, додека прв стрелец на лејкерси беше Леброн Џејмс со 26 поени.
Резултати НБА:
Портланд – Њујорк 112-103, Шарлот – Мемфис 118-125, Њу Орлеанс – Сан Антонио 114-124, Вашингтон – Сакраменто 110-123, Филаделфија – Кливленд 103-93, Торонто – Денвер 109-110, Чикаго – Оклахома 106-101, Мајами – Бруклин 115-111, Далас – ЛА Клиперс 97-99, Голден Стејт – ЛА Лејкерс 117-115, Феникс – Орландо 132-105.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА