Третиот натпревар од плејоф серијата меѓу Атланта и Мајами започна подоцна од планираното. Атланта стигна до важна победа против Мајами (111-110), а мечот во кој блескаа Треј Јанг и Богдан Богдановиќ доцнеше половина час.
Набрзо стана јасно за што се работи бидејќи и домашните најавија одложување на натпреварот. Поради сомнителен пакет пронајден пред влезот 2, почетокот на натпреварот беше одложен, а на навивачите им беше забранет влез во салата до расчистување на ситуацијата.
По кратка интервенција било констатирано дека пакетот не може да експлодира, а полицајците задолжени за отстранување на експлозивните направи лесно ја отстраниле оваа безбедносна закана.
Натпреварот беше возбудлив и непредвидлив до самиот крај. Постојано се играше кош за кош, а ваквата игра донесе тесна победа за Атланта.
Кај поразените се истакна Тајлер Херо со 24 поени, додека кај домаќините доминираа Треј Јанг со 24 и Богдан Богдановиќ со 18 поени.
РЕЗУЛТАТИ НБА:
Чикаго – Милвоки 81:111
Њу Орлеанс – Феникс 111:114
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА