Мега натпреварот помеѓу Веспрем и Магдебург во 5. коло од Лигата на Шампиони заврши со реми од 35-35. Во изедначениот натпревар двата тима успеаваа да направат минимална разлика од по три гола, но не и истата да ја задржат па победникот беше одлучен во последната минута.
Крајот на мечот го отсликаа и две контроверзни одлуки во последните две минути во кои унгарскиот состав остана без два ракометара на теренот. Оваа ситуација ја искористија гостите за изедначување на 30. секунди пред крајот на средбата, а и покрај тоа што Унгарците го имаа последниот напад не успеаја истиот да го реализираат.
Лауге со осум гола беше лидер на Веспрем, додека него го следеше Омар со шест. Магнусон реализираше осум обиди за Магдебург, а по седум додадоа Кристијансон и Мертенс.
— VeszprémHandballTeam (@telekomveszprem) October 27, 2022
Кјелце стигна до третата последователна победа откако славеше на гостувањето кај Целје со 30-33. Полскиот тим беше подобриот противник во поголемиот дел од мечот, но отпорот на домаќините го скрши во последните минути за значајна победа.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
