Ракометарите на Еурофарм Пелистер експресно се рехабилитираа од дебаклот на стартот во Лигата на Европа кога во Битола загубија од Ла Риоха (24:31) и денеска остварија триумф во Суперлигата, откако на гости совладаа Бутел со 21:34.
Домаќинот успеваше да му парира на актуелниот шампион во поголемиот дел од првото полувреме. Почетокот донесе израмнета игра и мал број голови, а двете екипи се менуваа во водство. Голманите Блажески и Митревски имаа значајна улога, па по петнаесетина минути игра резултатот беше 8:8.
Битолчани постепено ја преземаа контролата врз играта и резултатот и во финишот на првиот дел за првпат се одлепија на посериозна предност. Еурофарм Пелистер стигна до 11:8, а на паузата замина со водство од 13:11.
Гостите уште подобро го отворија второто полувреме. Со серија голови успеаја да ја зголемат предноста на 20:16, со што ја презедоа целосната контрола врз случувањата на теренот.
Бутел не се откажа и преку Каевски и Цветковски успеа да намали на 20:18, но тоа беше се што можеа да направат домаќините. Е. Пелистер остана концентриран во продолжението и рутински го приведе натпреварот до крај.
Филип Кузмановски беше најефикасен кај победникот со девет погодоци, додека Жарко Пешевски и Богдан Радивојевиќ постигнаа по пет.
Кај Бутел, Филип Николов даде седум гола, додека Бојан Спасовски постигна шест.
За Еурофарм Пелистер ова беше четврта победа во Суперлигата каде има и реми со Охрид на стартот, додека Бутел го забележа четвриот пораз.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
