Блескавата партија на Леброн Џејмс кој го предводеше Лејкерс со 37 поени, 13 скока и 7 асистенции не беше доволна за тимот од Лос Анџелес да забележи победа на домашен терен против Мемфис (104-99). Во гостинскиот табор блесна Џа Морент со 41 поен на кои додаде и 10 скока.
Проблемите предизивкани од коронавирус му го олеснија убедливиот триумф на Чикаго против Атланта (131-117) во меч во кој Тре Јанг забележа дабл-дабл учинок проследен со 26 поени и 11 асистенции, додека 25 поени и 5 асистенции за гостите додаде Зек Лавин.
Во останатите натпревари Њујорк славеше на гостувањето кај Детроит со 85-94, Шарлот со 108-116 над Индијана, Клиперс со 82-91 против Бостон, Феникс со 115-97 над Оклахома, Јута со 120-105 над Портланд, а домашниот терен го одбрани Сакраменто кој триумфираше над Далас со 95-94.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
