Американската федерација за скијање и сноубординг изненадувачки ја вклучи Линдзи Вон (41) во својот состав за претстојната натпреварувачка сезона, и покрај тешката несреќа што ја доживеа на Олимписките игри во Кортина д’Ампецо.
Како една од најголемите ѕвезди на светското скијање, таа беше избрана меѓу 17 натпреварувачи во таканаречениот „А-тим“ на САД за новата сезона. Почетокот на сезоната традиционално е кон крајот на октомври во австриски Зелден.
Сепак, навивачите нема наскоро да ја видат Линдзи на патеките, бидејќи таа се уште закрепнува од тешкиот пад и повеќекратните скршеници здобиени за време на олимписката трка во спуст во февруари. Самата Вон кон крајот на април јасно стави до знаење дека нема да може да се натпреварува во сезоната 2027/28.
Американката во ноември ќе се подложи на уште една операција за отстранување на метален имплант од ногата и санирање на скинат вкрстен лигамент.
Доколку Вон одлучи да ја продолжи кариерата, таа има загарантирано место за настап. Меѓународната скијачка федерација (ФИС) веќе потврди дека победничката на 84 трки во Светскиот куп ќе добие специјална покана.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
