Во насока на засилена промоција на кошаркарската игра на домашната сцена, ЕКИПА со избор на најдобрите од секоја рунда натпревари од Првата македонска кошаркарска лига.
Шестото коло од Првата кошаркарска лига донесе шест возбудливи натпревари во кои до победи стигнаа ТФТ кој славеше против Кожув, Пелистер кој го одбрани домашниот терен од Чаир 2030, Еуро Никел кој го доби гостувањето во Скопје против Феникс 2010, Работнички кој беше доминантен против Академија ФМП, Гостивар кој ја продолжи победничката низа и МЗТ Скопје кој тимски одигра за лесна победа против Куманово.
Во идеалната петорка на колото место има за бекот на гостиварци, Лувејн Пипкинс кој постигна 24 поени со реализација 10/12 од поле, а додаде и 5 асистенции.
View this post on Instagram
Одличен „ол-ароунд“ натпревар во нашиот главен град одигра и Марјан Младеновиќ кој го предводеше Еуро Никел до победа со 27 поени и реализација 7/10 за три поени, а додаде и 7 скока и 7 асистенции.
View this post on Instagram
Камерон Форте блесна во дресот на Работнички, предводејќи ги „црвено-белите“ до втората победа во сезоната со неверојатен „дабл-дабл“ од 36 поени и 14 скока.
View this post on Instagram
Страхил Николов имаше одличен меч за трета победа на ТФТ. Крилниот центар ги предводеше „црно-белите“ со 23 поени и 7 скока.
View this post on Instagram
Сеад Хаџифејзовиќ продолжи со одличните настапи во „зелено-белиот“ дрес, а во шестото коло повторно беше најефикасен во својот тим со 24 поени и реализација 8/10 од поле на кои додаде и 6 скока.
View this post on Instagram
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА