Интересни, ако може така да се каже, услови за игра имаа денеска фудбалерите на Шкупи и Вардар во Чаир, односно Академија Пандев и Силекс во Струмица во последното есенско коло од шампионатот.
Кал, поплавени делови од терен, стадиони под вода, „потомпни пумпи“ во мода и импровизирани „мостиња“ за да се дојде до терен беше сликата во Скопје и во Струмица како заокружување на крајот на есенскиот дел од „елитниот“ наш фудбал!
Овие фотографии уште еднаш само го потенцираат проблемот со кој долги години се соочува македонскиот фудбал – несоодветната инфраструктура. Не подобра беше сликата денеска и на стадионот „Могила“ во Прилеп, каде Победа ги игра натпреварите во очекување на реконструкцијата на „Гоце Делчев“. Затоа постојано лебди прашањето зошто се дозволува фудбал на вакви терени во 21. век?
И покрај комплетната финансиска поддршка од ФФМ, градови како Прилеп, Битола, Штип, Велес…. изминативе години тешко се одлучуваа и на своја акција за инфраструктурно решавење на проблемите на фудбалските капацитети.
[new_royalslider id=”867″]
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА