Кошаркарот на Филаделфија 76, Жоел Ембид доби француско државјанство. 27-годишникот и еден од најдобрите кошаркари моментално во светот, ќе може да биде дел од репрезентацијата на Франција на Летните олимписки игри во Париз во 2024 година.
Ембид е роден во главниот град на Камерун, Јаунде, а француско државјанство доби на основ на што неговите родители се државјани на оваа земја. Ембид минатата сезона беше меѓу тројцата финалисти за МВП наградата во НБА, а просечно по натпревар бележеше по 30,6 поени, 11,7 скока и 4,2 асистенции.
Франција на Летните олимписки игри во Токио го освои сребрениот медал откако во финалето беше поразена од Соединетите Американски Држави.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
