Светското првенство уште еднаш покажа дека најголемите приказни честопати не се само за голови и резултати. Откако Зеленортските острови одиграа спектакуларни 2-2 против Уругвај, вниманието на светската јавност го украде еден трогателен момент на главниот херој на оваа репрезентација – голманот Возиња.
Искусниот 40-годишен голман стана еден од симболите на ова Светско првенство по првото коло, кога го водеше Капе Верде до историско реми против Шпанија со брилијантни одбрани.
Сепак, тој потоа призна дека неговиот најголем сон останал неостварен.
Неговата мајка, Ана Кандида Евора, не можеше да патува во САД поради проблеми со визата и високите трошоци за патување, па ги следи најголемите моменти на својот син во неговата кариера илјадници милји подалеку.
Неговата емотивна исповед го обиколи светот и предизвика голем број реакции. Не долго потоа, следеа добри вести.
Откако приказната стана позната глобално, мајката на Возиња успеа да добие виза за САД и да го гледа дуелот против Уругвај од трибините.
Камерите ја покажаа неколку пати за време на натпреварот, а таа не можеше да ги скрие своите емоции додека ја бодреше репрезентацијата на својата земја.
По последниот свиреж на судијата и нерешениот резултат 2-2, се случи момент што расплака многумина.
Возиња веднаш истрча кон трибините каде што го чекаше неговата мајка, а нивната прегратка стана една од најемотивните сцени на Светското првенство досега.
𝐕𝐎𝐙𝐈𝐍𝐇𝐀’𝐒 𝐌𝐎𝐌 𝐈𝐒 𝐇𝐄𝐑𝐄 🥹💙
Vozinha’s mom has arrived in Miami ✈️ after finally receiving her visa. She’ll be supporting her son on Monday as Cape Verde 🇨🇻 face Uruguay 🥹💪
The Cape Verde goalkeeper became a global hero after his performance against Spain. Now,… pic.twitter.com/jC9TppOUoY
— 433 (@433) June 20, 2026
За голманот на Капо Верде, оваа прегратка беше повредна од сите одбрани што ги забележа на Светското првенство 2026.
По две кола, неговата репрезентација остана во игра за пласман во нокаут фазата, додека Возиња, покрај одличните игри меѓу стативите, ги освои симпатиите на целиот свет со приказна што ќе се памети долго време.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
