Фудбалерите на Брегалница триумфираа убедливо со 3-1 против Пелистер на последната контрола за време на своите подготовки во Охрид.
Штипјани славеа со 3-1 на дуелот кој се одигра на Градскиот стадион во Струга.
Стрелци за победата на „сините“ беа Ѓорѓи Ѓоргиев во 21. минута, по што пелистерци во 26. минута израмнија на 1-1. Но во второто полувреме вистински евро-гол постигна Димитриј Димитриевски за 2-1 во 52. минута, а Зоран Андонов во 61. минута постигна гол директно од слободен удар за конечни 3-1.
По овој тест дуел Брегалница се враќа во Штип, каде ќе биде реализирана последната фаза од подготовките пред стартот на пролетниот дел од сезоната.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
