Фудбалерите на Ал Наср остануваат стоотстотни во новата сезона во шампионатот на Саудиска Арабија откако вечерва во последниот меч од денешната понуда од 5. коло славеа над Ал Фатех со 5-1.
Водство за домаќините од 1-0 донесе Жоао Феликс во 13. минута. Гостите израмнија на 1-1 преку Бендебка во 54. минута. Пет минути подоцна Кристијано Роналдо промаши пенал, но веднаш се поправи и донесе ново водство од 2-1 со што стигна до својот 950 гол во кариерата.
На 3-1 зголеми Жоао Феликс во 68. минута со својот втор гол на асистенција на Кристијано Роналдо, додека 4-1 беше со голот на Кингсли Коман во 75. минута. Жоао Феликс го заокружи хет-трикот со погодок во 79. минута за 5-1.
Al Nassr [2] – 1 Al Fateh – Cristiano Ronaldo Great-goal 62'
byu/Big-Education-916 insoccer
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
