Рафаел Надал одигра одличен прв сет против Денис Шаповалов, но на крајот го загуби мечот во Рим и остана без можност да се бори за трофејот на Мастерсот во италијанската престолнина.
Шпанецот по мечот истакнал дека не се работи за некоја нова повреда, туку хроничен проблем кој го има со стапалото и кој му создава сериозни проблеми.
„Почнав да чувствувам болка среде вториот сет и подоцна стана неиздржлива. Тоа е болка која се појавува и ја снемува. Некогаш е посилна, а денес беше нестварно голема. Можеби за два дена ќе биде подобро, не можам ништо да предвидам. Не сум повреден, едноставно јас сум тенисер кој постојано живее со оваа повреда. Ова не е ништо ново, но делува фрустрирачки кога не можете да тренирате неколку дена. Мора да ја прифатам ситуацијата и да се борам“, изјави шпанскиот тенисер за кого ова е најрана елиминација во Рим уште од 2008 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
