Возачот на Ферари, Себастијан Фетел е фрустриран поради доминацијата на Луис Хамилтон и Мерцедес во годинашниот шампионат во Формула 1. Тој е свесен дека не можат да бидат достоен противник на актуелниот првак, а колку е Ферари далеку од Мерцедес, најдобро покажа последната трка за ГН на Франција.
„Мора да престанеме да се лажеме. Хамилтон си игра со нас. Ризикував се за да постигнам најбрз круг, а Хамилтон стигна до истото време со потрошени гуми“, изјави Фетел.
По осум трки во светскиот шампионат, Мерцедес доминира и во конкуренција на возачи и во конкуренција на конструктори. Хамилтон е лидер со 187 бода, 36 повеќе од клупскиот колега, Валтери Ботас. Трет е Фетел со 111.
Следната трка на програмата е на 30. јуни во Австрија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
