На македонските репрезентативци вечерва против Шкотска ќе им биде неопходна поддршка од трибините, па Фудбалската Федерација на Македонија донесе популарна одлука – бесплатен влез за младите фудблаери кои се дел од екипите од детската лига под капата на „куќата на фудбалот“.
Покрај тоа, од ФФМ објавија дека е предвидено и специјално место за навивачките групи кои покажале интерес да ја бодрат Македонија на овој натпревар.
„За најмладите навивачи и нивните тренери – бесплатен влез! 🙌
👦👧 Бесплатен влез на натпреварите на Македонија имаат младите фудбалери придружувани од своите тренери од Детската лига, фудбалските школи, како и сите младински категории во системот на ФФМ – пионери, помлади пионери, кадети и младинци.
📍 За натпреварот Македонија – Шкотска, влезот за нив на западната трибина на Националната арена „Тодор Проески“ е бесплатен.
🗣️ Свое место на трибините имаат и навивачките групи кои побараа организирано присуство на натпреварот.
Бесплатниот влез за најмладите фудбалери и нивните тренери е обезбеден за сите натпревари на Македонија во овој циклус“, се вели во соопштението на ФФМ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
