ЕКИПА во Минхен,
Ставен Цаневски
Ракометната репрезентација на Македонија го доживеа првиот пораз на Мундијалот. Во третиот меч поразени сме од селекцијата на Хрватска (22-31). Раул Гонзалес е надмудрен од стариот лисец Лино Червар.
Филип Лазаров вели дека ракометарите не ги исполнија задачите, потфрлија и во одбраната и во нападот. На првиот ’тврд орев’ – Македонија потфрли.
„Не ги исполнивме задачите од селекторот Раул Гонзалес. Не бевме на потребното ниво и во одбраната и во нападот. Промашувавме зицери. Така не може да се победи Хрватска. Моравме да бидеме перфектни за да се надеваме на позитивен резултат“, изјави Филип Лазаров по поразот од Хрватска.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
