Фиорентина стигна до првиот триумф во новата сезона од Серија А, и тоа убедлив (0-5) на гости против Верона. По двата стартни порази, „виолетовите“ конечно одиграа според очекувањата и ги освоија првите три бода.
Симеоне, Тору од пенал, и Астори, по само 25 минути остварија водство од 0-3 за Фиорентина. До крајот на мечот стрелаа и Верету и Диас.
Џенова и Горан Пандев со пораз се враќаат од Удине. Многу рано Удинезе поведе со голот на Јанкто во 16.минута, а потоа гостите останаа со играч помалку поради исклучувањето на Бертолачи во 37.минута. По ова, Пандев беше повлечен од игра поради тактички замисли на тренерот Јуриќ.
Победи на домашен терен славеа и Аталанта и Калјари. Дербито меѓу Лацио и Милан започна од 16 часот, а на полувреме „лацијалите“ водат со 2-0.
Резултати: Аталанта – Сасуоло 2-1, Калјари – Кротоне 1-0, Удинезе – Џенова 1-0, Верона – Фиорентина 0-5, Интер – Спал 2-0.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА