Ханси Флик не прифаќа оправдувања за поразот од Реал Мадрид, но по „Ел Класико“ истакна дека на играчите на Барселона им недостасува свежина и дека секој мора да преземе одговорност за својата рекуперација.
Каталонскиот клуб загуби со 2-1, со два гола на Килијан Мбапе, кој го постигна победничкиот погодок во 87. минута. Со тоа заврши серијата на Барса од девет победи на почетокот на сезоната во Примера.
„Разочарани сме. Првото полувреме не беше добро, а во второто, по израмнувањето на 1:1, бевме подобри. Мислам дека тогаш ја контролиравме играта. Ни недостасуваше малку среќа, но тоа е што е. Тие одиграа добро без топка и не ни оставија многу простор. Исто така, се забележа дека ни недостасува свежина. Ова е наш прв пораз во Ла Лига, претходно победивме девет пати по ред. И тоа мораме да го земеме предвид. Поразите се дел од играта. Вие ги гледате само натпреварите, а ние имаме два дена меѓу нив. Во моментов се е прилично напорно, но не сакам да зборувам кога губиме. Сакам да зборувам кога победуваме тогаш е подобро време за тоа. Секогаш изгледа како да барате оправдувања. Јас немам оправдувања и не ги прифаќам. Но, вистината е дека денес не бевме свежи и тоа мораме да го промениме“, изјави Флик.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
