Формула 1 може да почне. Ниту еден позитивен резултат од тестирањата на Ковид-19 во австрискиот Спилберг каде утре ќе се вози првата трка од Ф1 сезонава.
Вкупно 4032 возачи, членови на тимови и вработени во Ф1 беа тестирани на коронавирусот изминатата недела, во пресрет на Големата награда за Австрија.
„Ниту еден позитивен од 4032 теста“ – објави Формула 1.
За оваа скратена сезона во Ф1 пропишани се строги хигиенски услови. Освен обврската за носење маска, сите учесници се строго поделени во групи во кои не е дозволен меѓусебен контакт. Трките, првата на 5. јули, а втората на 12. јули, ќе се одржат без гледачи. Сите кои имаат пристап на патеката ќе мора да минуваат низ тест на Ковид-19 на секој пет дена.
По оваа трка во Австрија, Формула 1 планира до крајот на сезоната да организира најмалку 15 трки.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
