Женската ракометна репрезентација на Франција направи голем чекор кон полуфиналето на Европското првенство во Австрија, Швајцарија и Унгарија откако денеска славеше против Црна Гора со 31-23 во меч од 2. коло од главната фаза.
Французинките подобро го отворија натпреварот и веднаш поведоа со 3-0. Во текот на целото прво полувреме го контролираа резултатот, а на пауза заминаа со позитива од четири гола 15-11.
Во вториот дел Французинките само рутински го привведоа мечот до самиот крај за конечен триумф од 31-23. Грејс Зади со седум гола беше најефикасна кај Франција, додека кај Црна Гора, Ивона Павичевиќ постигна шест погодоци.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
