Робин Госенс, дефанзивецот на Аталанта, се пожали на потегот на Кристијано Роналдо кога изразил желба да го размени дресот со славниот Португалец.
Тој истакна дека се почувствувал засрамено и бедно откако Кристијано „ладно“ му кажал дека нема да му го подари својот дрес.
“После натпреварот со Јувентус сакав да го исполнам својот сон и да имам дрес на Роналдо. Кога судијата го означи крајот на натпреварот, наместо да одам да славам, отидов кај Кристијано. Го прашав: Крис, дали можам да го добијам твојот дрес? Тој дури и не ме погледна, само рече: Не! Се вцрвив, се посрамотив. Се оддалечив од него. Се чувствував толку мал … Го знаете тоа чувство кога нешто грдо ќе ви се случи и ќе се свртите за да видите дали некој забележал”, кажа Откри Госенс.
Бесот на Роналдо и не е чуден, неговиот Јувентус е во криза, а на последниот натпревар каде се очекуваше лесна победа за тимот на Торино, колегите на Кристијано повторно направија кикс и остварија само реми.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА